Dienstag, 18. April 2017
Von Julia und Michelle
Höt am Morge hei mehr usem Fäister gluegt und aues esch wiss gse. Mehr heis zerst fast ned chönne gloube. Noch däm erste Schock hei mehr üs warm agleit und hei ir Garage es Morge-work-out gmacht. Ufgrond vo däm hei mehr ou Honger gha und si denn nachem dusche go zmörgele. Es het denn ou scho agfange met diverse Gsamt- und Regesterprobe. Am Mittag si mehr denne met Härdöpfugratin und Ragout verwöhnt worde. Näbsch de Lagerstöck hei die Grössere ou flissig am Kiss me Kate probt. Am spote Nomittag het denn ou met aune zäme s’traditionelle Fotoshooting statt gfonde. Gäges Znacht hei mehr nomou flissig güebt und aschliessend hets feini Älplermagrone gäh. Ou nochhär hei mehr weder trennt Gsamtprobe gha; mehr si aui chli miöd gse… aber glich hei mehr Fortschritt gmacht! Leider hei mehr ou scho mösse s’Alexandra verabschede. Se het öis no tschüss gseit und het sech denn ufe Wäg gmacht. Dr Obe hei mehr denn aui zämme metem beriöhmte Schoggispeli abgschlosse; eifach met Schoggieili anstatt metere Tafele Schoggi. Denn esch ou Nacht gse und die erste si ou scho go pfüsele…
