Freitag, 21. April 2017
Von Anina, Jael, Jessica und Nadine
Weder esch üss höt am Morge üüses Lagermami Martina cho wecke, doch plötzlich hei mer der Renato brüehle ghört, wöu ähr Pfenger ider Döre iklemmt het.
Nach dämm mehr zom letste mou im Musiglager Morgedorne gha hei, hei mer es mega feins Zmorge mit Gipfeli chöne gniese. Nach dem das de Tesch ond s Gesch suber gwäsche worde esch, hei A ond B Band getrennd vo ne nander güebt. Aschliessend hei mehr Tutti Tutti Brob gha. Nach dem mehr Tutti Tutti Brob gah hei, hed d A Bänd ond die Zuekönftie ihres Stöck güebt. Näbe bi het B Band individuell güebt. Zom Zmettag hets mega feini Rösti ond Brodworscht gäh met verschedenem Gmües. Nach der Mettags Pouse hei mehr weder meht der Tutti Tutti Brob agfange. Jedi frei i Minute esch gnötst worde om Uno spezial z spele. Ond weder hei d A Band ond die Zuekönftige zäme güebt. Ond näbebi het d B Band individuell müesse üebe. Nach däm sem mehr verwöhnd worde meth Schoggicreme. Spöter hei mehr zor üebig s Konsärtbrogrammt döre gschböut.
Zom letschte Znacht hets verschednigi Solöt ond Ofefleischchäs gäh. Ond weder wird Uno gspöut. Zom Abschloss vom Musiklager 2017 chont natürlech no der bond Obe derzue. Dört hei mehr verschednigi Speli gschpöut. Eis vo de Speli esch gsi das zwei met Auge verbonde hei müesse erote wer vor einem Stod. Der einti esch der Simon Felber gsi, wöu in sinere Grobbe eis zweni gsi send esch Barbara Junker häre gstange. Der Simon het se aber nett erkennt. Zom Abschloss vom bond Obe hets no chli öpis z Knabbere gäh. On alli send Glöcklech ond Müed is Bett gange.
